[poem=”font=”Simplified Arabic,5,undefined,bold,normal” bkcolor=”undefined” bkimage=”images/backgrounds/25.gif” border=”solid,4,#400000″ shadow=”1″ type=1 line=0 align=center use=ex num=”0,#400000″”]

شابت حروفي ومالت غصونن ماتميل=كيف شاب الحرف والموت كيف الغصن مال؟

غيمة الذكرى وراها تصب ولا تسيل=تاهت افكاري وصارت نسيج من الخيال

مستحيل ولا عرفت استحاله ! مستحيل=ويستحال اني نسيت المحبه يستحال

الغريب اني غريب المحبه والخليل=والصحيح اني حبيبِ مهدد بالزوال

آأح ، ياقنديل فكري ترى دمك ثقيل=شله الحوسه مدامك تعرف الاعتدال

ادري إنك فيك لعنه ، وانا بالي ضئيل=لو تصنعت السعه ، يبقى عندي ضعف بال

تدري ان الحظ لاهو كريم ولا بخيل=يقصر المده وإلى اقفيت ناداني تعال

لين عظمي فالهوى لان واعلنت الرحيل=من سبايب بخل حظي وكسره للأمال

لعنبو بحر الهوى كم يحط وكم يشيل=شال قلبي واحرق الضلع الايمين والشمال

والسبايب جادلٍ ، خدرةٍ ، طرفٍ كحيل=بنت شيخ مسكنه فوق هامات الطوال

جدها شيخ القبيله وكساب الجزيل=فارسن مغوار للقوم حسام النزال

استكنت في ضميري ومنزلها جليل=فارقها عن جليها بالوصوف وبالجمال

مير ربي يقطع الحظ ماله من زميل=بار فينا واختلف لين قطعنا الوصال[/poem]