[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”images/backgrounds/13.gif” border=”none,4,#400000″ shadow=”1″ type=0 line=0 align=center use=ex num=”0,#400000″”]
ياالله العفو منك ومنك صبرٍ جميل=كل دعوى بجاهك وأنت حلاّلها
يا كريمٍ لك أسجد كل يومٍ وليل=أرتجي رحمتك يارب وأسعالها
يا الله أنك تجنبنا الكلام الهزيل=أمة الحق يا الله نفعل أفعالها
نحمد الله ملكنا العز ظلٍ ظليل=ما ملكنا حتات القوم وأحثالها
ما سألنا الكريم ولا سألنا البخيل=دام روس المراجل قد رقينالها
شجرة الخير للملهوف ظل ومقيل=ما أتقينا عن الملهوف بظلالها
إن عطينا بأمر ربي نعز الذليل=وإن مشينا بجاه الوجه حنالها
ما ندور عن أخيار المكارم بديل=نأخذ أسمانها ونخلي أهزالها
قبح الله حروفٍ عن هدفها تميل=وقبح الله من طبل لموالها
يوم بعض الهقاوي مالها من مثيل=ليت بعض الهقاوي نامت أشوالها
كل نفسٍ بما آلة تميل وتئيل=عزتي للنفوس إلى دنى حالها
دام فالأرض عطشا يالسحاب الأصيل=خل غر المزون تهل همّالها
ياشموخ الجبال وياشموخ النخيل=فيك معنى الحياه وفيك منزالها
طيبة القلب راحت كنها السلسبيل=وعودت والنوايا السود تبرالها
فسروها ومشيوا فالطريق الطويل=وكل واحد على الموال غنالها
ياعميل الوفاء خابرك رجلٍ ثقيل=خابرك من خيار القوم وأجزالها
ليه تاهتبك أضنونك بليا دليل=وأنت عندي تساوي أمه بحالها
عذري أن الوفاء في هالزمن مستحيل=طعنة الظهر شينه والردى فالها
بس لجل الكريم أبن الكريم النبيل=بتغاضى عن القصه وموالها[/poem]