[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”images/backgrounds/20.gif” border=”none,4,#400000″ shadow=”1″ type=0 line=0 align=center use=ex num=”0,#400000″”]
ياشبه وضحاً عليها السوم مفروده=وصلت لخمسة عشر مليون وزياده
حبيبتي تاخذ الأوسكار والجوده=والمركز الأولي بالزين ورياده
الجادل اللي لها الأبيات مرصوده=من هاجسٍ يشعل الابداع بزناده
اللي ماهي بين هالخفرات مجحوده=اليا احضرت كل غاده ماهي ابغاده
هي ملهمة هجس عبدالله ومقصوده=هي سيّدة زين كان الزين له ساده
حبيبتي بالحلا والحسن محسوده=واليا بغيت الوصايف جات منقاده
ام الجدايل بدهن العود مكدوده=والعين شيهانةٍ للموت ورّاده
وخدودها كنّها بالورد موروده=ولا الشفايا جمر بالنار وقّاده
وحبة الخال بادنى الخد موجوده=تبري جروحٍ على مثلي لها عاده
ماني مكمل اخاف الناس مقروده=وتصيبها عيون مشفوحه وحسّاده
من شانها القلب بيّح خافي سدوده=وان شافها القلب عيّد ثالث اعياده
مادامها تشبه لوضحا ومفروده=غطّت على صيت حزّامه وجلاده[/poem]