[poem=”font=”Simplified Arabic,5,#FFCCCC,bold,normal” bkcolor=”0″ bkimage=”images/backgrounds/21.gif” border=”ridge,5,#FF0000″ shadow=”1″ type=2 line=1 align=center use=ex num=”0,0″”]
احتاج شهقة حياه من اكسجين الأمل=اهبّها في معاليقي ويسري دمي

لو ينطق الصدر شيٍ منه قلبي ثَمَل=ماكان ذي كلمتي عيت تغادر فمي

حيي على الصمت مثلي وحيّكم ع الخجل=وحيي طريقٍ طويل ٍ اتعبته اقدمي

تكاثرت في محطاتي : القنا / والمقل=مابين راغب بشوف وقاطعٍ ف لحمي

يا ليلة البارحة : فيني تجمّع وجل=وانا افدّ الدروب لـ عين مبصر عمي

قضيت ليلي ارتب : فـالورق والجُمل=ورزنامة الهم تشرب كل نبض يهمي

مع سكة اليأس : ركب الصبر عني رحل=ما للحلم حايطٍ هذي الأماني رمي

شف بي ابتسامه كئيبه تكتنف هـ القبل=احاول اميطها وتقول : ذا موسمي

ما ظل فينا عظيم اعلى البيارق نزل=عن نكستي لا ابي ارحل / ولا انتمي

ما اقوى على منازلك احساس عزمي طفل=قلبي مذيّر جفول وقلبك الصيرمي

سبّابة العدل تشهد لـ عذوق النخل=معسولها : رغم حرّ الصيف وقلّ النمي

ياذا القراح الغزير المنبعث فالسهل=بالله وشهو عليك إن فضت بشوي مي ؟

ماطاح عودٍ شمخ مهما يطول المحل=يعيش ظامي وهو في تربته يحتمي

حيي على الخوف مثلي وحي منهو وصل =وحيي كلامٍ اخيرٍ يلثغه مبسمي[/poem]

[CENTER]الشاعرة / قسمة العمراني[/CENTER]