[poem=”font=”Simplified Arabic,4,#000000,bold,normal” bkcolor=”#FFFFFF” bkimage=”images/backgrounds/8.gif” border=”none,4,#400000″ shadow=”1″ type=0 line=0 align=center use=ex num=”0,#400000″”]
يابوحي اللي معذبني وعذبّته=ثلاثة أعقود وأيامه هي أيامي
ثلاثة أعقود تحمل عُمق تجربته=وتحمل أسلوبي وتحمل بصمة أبهامي
أشقاني بطيب مضمونه وموهبته=وأشقيته بفزعتي فالموقف الحامي
كم موقفٍ كم دعاه ولا تجنبّته=أعطيه من همتي وأكرب له أحزامي
كتبت لصحابي أسئلته مع أجوبته=ونجحوا وهنوا بعض خلفي وقدامي
تجمعوا وأستغاثوا تحت مرتبته=وأسقيتهم سلسبيلٍ يروي الظامي
لعيونهم يوم شرّقته وغرّبته=ما جاني إلا الجحود ورمية الرامي
والله ما أذكر سعيت لحجبه وكبته=مداه نبض الخفوق ونزف الأقلامي
من غيث غرّ السحايب طالعٍ نبته=روح الجزاله وروحه مصدر ألهامي
لاهب نوده على ذكرى الغلى جبته=وصحيّت له ذكرياتٍ جرحها دامي
مع رحلة العمر عزيته ورتبته=على دروب الوفاء والمنهج السامي[/poem]